မနေ့ညက မန်စီးတီးတို့ အီတီဟတ်မှာ ရီးရဲလ်မက်ဒရစ်ကို ပင်နယ်တီဖြင့် ရှုံးနိမ့်ပြီး ချန်ပီယံလိဂ် ပြိုင်ပွဲကနေ ထွက်ခဲ့ရ အပြီးမှာ မြို့ခံပြိုင်ဘက် မန်ချက်စတာ ယူနိုက်တက်က လှောင်ပြောင်မှုတစ်ခု ချက်ခြင်း ပြုလုပ်ခဲ့ပါတယ်။
ပထမအကျော့ သရေကျခဲ့သလို ဒုတိယအကျော့မှာလည်း ၁-၁ ရလဒ် ထွက်ခဲ့တာမို့ နှစ်သင်းဟာ အချိန်ပိုကန်ခဲ့ပေမယ့် ဂိုးမသွင်းနိုင်ကြပါဘူး။ ပင်နယ်တီမှာ ရီးရဲလ်မက်ဒရစ်က ၄-၃ ဖြင့် အနိုင်ယူပြီး မန်စီးတီးရဲ့ ချန်ပီယံ ကာကွယ်လိုမှုကို အဆုံးသတ်စေခဲ့ပါတယ်။
ချန်ပီယံလိဂ်ပွဲ ပြီးပြီးချင်းမှာပဲ ယူနိုက်တက်ရဲ့ တွစ်တာ – X အကောင့်ကနေပြီး ‘ဝင်ဘာလေကတော့ ခေါ်နေပါပြီ ‘ လို့ ကိုဗင်ထရီနဲ့ပွဲကြို ပိုစ့်တင်ခဲ့ပါတယ်။ အဲ့ပိုစ့်ကိုတော့ Pinned ပါ လုပ်ထားခဲ့ပါတယ်။
၂၀၂၄ ချန်ပီယံလိဂ်ဖိုင်နယ်ဟာ ဝင်ဘာလေကွင်းမှာ ယှဉ်ပြိုင်ရမှာဖြစ်ကာ မြို့ခံပြိုင်ဘက်တို့ ကွာတားအဆင့်ကနေ ပြုတ်ခဲ့ပြီမို့ တမင် လှောင်ပြောင်ခြင်းဆိုတာကို ပရိသတ်တွေက ချက်ခြင်း သတိပြုမိကြပါတယ်။
‘ဒီပိုစ့်က သိပ်ကို ချိန်သားကိုက်လွန်းတယ်’။ ‘အခုချက်ခြင်းဆိုတော့ အရမ်း သိသာသွားတာပေါ့ ‘ လို့ သရဲနီတွေက မှတ်ချက်ပေးကြပါတယ်။
ယူနိုက်တက်ဟာ အက်ဖ်အေဖလား ဆီမီးဖိုင်နယ်မှာ ကိုဗင်ထရီနဲ့ ယှဉ်ပြိုင်ရမှာဖြစ်ပြီး မန်စီးတီးကတော့ ချယ်ဆီးနဲ့ ယှဉ်ပြိုင်ရဖို့ရှိကာ အနိုင်ရလာမယ့် အသင်းတွေက ဝင်ဘာလေမှာပဲ ဖိုင်နယ်ပွဲ ကစားရမှာ ဖြစ်ပါတယ်။