မန်စီးတီး ကွင်းလယ်လူ ဘာနာဒို ဆေးဗား ကတော့ သူရဲ့ နိုင်ငံအသင်းမှ ပေါ်တူဂီအသင်းဖော် ဖြစ်သူကို မြို့ခံပြိုင်ဘက် ယူနိုက်တက်ထံ မပြောင်းဘဲ သူနဲ့အတူ မန်စီးတီးမှာ လာ ကစားဖို့ စည်းရုံးနေပါတယ်။
ပေါ်တူဂီနဲ့ ဘင်ဖီကာအသင်း ကွင်းလယ် ကစားသမား ဂျာအို နီဗက်စ်ကို မန်ချက်စတာ ကလပ် ၂ သင်းလုံးက အလိုရှိနေတာပါ။ ဆယ်ကျော်သက် ကွင်းလယ်လူ အတွက် မန်ချက်စတာ ၂ သင်းဟာ ပေါင် ၅၁ သန်း ဝန်းကျင်တွေ ကမ်းလှမ်းခဲ့ပေမယ့် ပယ်ချခံရကြောင်းလည်း သတင်းထွက်ထားပါတယ်။
ဘာနာဒိုက ‘ နီဗက်စ်ကို လိုချင်တဲ့ ကလပ်တွေ အများကြီးပါ။ ပေါ်တူဂီသားအဖြစ်ကော ကစားသမား တစ်ယောက်အဖြစ်ပါ ကျနော် သူ့ကို သဘောကျပြီး ဘေးနား ခေါ်ထားလိုပါတယ်။ သူ့အနာဂတ်ကို အကောင်းဆုံး ဖြစ်စေချင်ပါတယ် ’ လို့ ပြောဆိုခဲ့ပါတယ်။
မနှစ်ကရာသီ ပရီးမီးယားလိဂ် အဆင့် ၈ နေရာမှာပဲ ရှိနေတဲ့ ယူနိုက်တက်ဟာ ကာဆီမီရိုနေရာ ရေရှည် အစားထိုးဖို့ နီဗက်စ်ကို ချိန်ရွယ်ထားတာပါ။
ဘင်ဖီကာကတော့ ဥရောပရဲ့ အတောက်ပဆုံး လူငယ်တစ်ဦး ဖြစ်လာနိုင်တဲ့ နီဗက်စ်ရဲ့ စာချုပ်မှာတော့ ပြောင်းရွှေ့ကြေး ပေါင် ၁ဝ၅ သန်းလို့ ထည့်သွင်းထားပါတယ်။
ယူရို ၂၀၂၄ ပြိုင်ပွဲ အပြီးမှာတော့ နီဗက်စ် အပြောင်းအရွှေ့ ကိစ္စ လှုပ်ခတ်လာဖို့ ရှိနေပြီး ဘင်ဖီကာ က ပေါင် ၈၅ သန်း ဝန်းကျင် ကမ်းလှမ်းမှုဆိုရင် လက်ခံဖွယ် ရှိနေပါတယ်။