ဘိုကာဂျူနီယာ ကြယ်ပွင့် လက်စတာကွင်းလယ်တို့နဲ့ ဆွေးနွေးနေခြင်း အပါအဝင် ချယ်ဆီး အပြောင်းအရွှေ့ သတင်းများ

ချယ်ဆီး အသင်းဟာ ဘိုကာဂျူနီယာမှ လူငယ်ကစားသမား Aaron Anselmino ကို ယူရို သန်း ၂၀ ဝန်းကျင်ဖြင့် ခေါ်ယူပြီး အာဂျင်တီးနားအသင်းထံ ဆက်လက် အငှားချထားပေးဖို့ စီစဉ်နေပါတယ်။

ဒါ့အပြင် ချယ်ဆီးအသင်းဟာ အာဆင်နယ် အကယ်ဒမီထံကနေ ခေါ်ယူထားတဲ့ လူငယ်လေး Omari Hutchinson ကို အစ်ဝစ်ချ်အသင်းထံ ပေါင် ၂၂.၅ သန်း ဝန်းကျင်ဖြင့် ရောင်းချသွားဖို့ စီစဉ်နေပါတယ်။

နယူးကာဆယ်အသင်းဟာ တိုက်စစ်သမား ဂေါ်ဒန်နဲ့ အိုင်ဆက်တို့ကို ခေါ်ယူနိုင်ကြောင်း လီဗာပူးနဲ့ ချယ်ဆီးအသင်းတွေကို ချိတ်ဆက်မှု ပြုလုပ်နေပါတယ်။

လက်စတာ ကွင်းလယ်လူ Dewsbury-Hall ကို ခေါ်ယူနိုင်ဖို့လည်း ချယ်ဆီးအသင်းက စကားပြောနေဆဲပါ။ ကစားသမားနဲ့တော့ ပုဂ္ဂိုလ်ရေး သဘောတူညီမှု ယူထားပါပြီ။

အာဆင်နယ်အသင်းဟာ ချယ်ဆီးဘယ်အစွန်လူ ဘမ်ချီဝဲလ်ကို တစ်ရာသီ အငှားခေါ်ယူနိုင်ဖို့ ကမ်းလှမ်းမှု ပြုလုပ်သွားမှာ ဖြစ်ပါတယ်။

အက်စတွန်ဗီလာအသင်းဟာ ချယ်ဆီး ဘယ်အစွန်လူ မတ်ဆန်ကို ခေါ်ယူနိုင်ခဲ့ပြီလို့ တရားဝင် ကြေညာခဲ့ပြီ ဖြစ်ပါတယ်။

ချယ်ဆီးအသင်းဟာ အက်စတွန်ဗီလာအသင်းကနေ လူငယ်ကြယ်ပွင့် အိုမာရီကို ပေါင် ၁၉ သန်းဖြင့် ခေါ်ယူလိုက်ပြီဖြစ်ပါတယ်။