ယူနိုက်တက်မှာ မအောင်မြင်တဲ့ ကွင်းလယ် ကစားသမား ဗန်ဒီဘိခ်ဟာ စီးတီးဂရုပိုင် ဂျီနိုအာ အသင်းထံ ယူရို ၅ သန်း မျှနဲ့ ပြောင်းရွှေ့ဖို့ နီးစပ်နေပြီ ဖြစ်ပါတယ်။
ချယ်ဆီးအသင်းဟာ ဘေဆယ်အသင်းမှ ကွင်းလယ်ခံစစ်သမား ရီနာတို ဗေကာကို ပေါင် ၁၁.၉ သန်းဖြင့် ခေါ်ယူဖို့ သဘောတူညီမှုရခဲ့ပြီ လို့ သိရပါတယ်။
ဆော်ဒီပရိုလိဂ် တာဝန်ရှိသူတွေဟာ ဒီဘရိုင်းရဲ့ ကိုယ်စားလှယ်တွေနဲ့ တွေ့ဆုံကာ ကွင်းလယ်လူကို ခေါ်ယူဖို့အတွက် နှုတ်အားဖြင့် သဘောတူညီမှု ယူခဲ့ပါတယ်။
ယူနိုက်တက်ဟာ ကွင်းလယ်လူ ဖာနန်ဒက်စ်ကို ဆော်ဒီလိဂ်ထံ ရောင်းချဖို့အား မီးစိမ်းပြသွားတော့မယ်လို့ သတင်းတွေ ရေပန်းစားလာပါတယ်။
နာပိုလီဘက်က တိုက်စစ်မှူး အိုဆင်မန်အတွက် ပေါင် သန်း ၁၁၀ အောက်ဖြင့် စကားပြောလိုပေမယ့် ချယ်ဆီးကတော့ သူ့ကို ခေါ်ယူရေး ညိနှိုင်းမှု ဝင်ဖွယ် မရှိတော့ပါဘူး။
လီဗာပူးအသင်းဟာ အတ္တလန်တာ ကွင်းလယ်လူ ကုပ်မိုင်းနားကို ခေါ်ယူဖို့ အရေးသာနေကြောင်း အီတလီသတင်းတွေမှာ ဖော်ပြလာပါတယ်။
ချယ်ဆီးအသင်းဟာ အက်သလက်တီကို တိုက်စစ်မှူး အိုမိုရိုဒီယန်ကို ပေါင် ၄၂ သန်းဖြင့် ကမ်းလှမ်းဖို့ ပြင်ဆင်နေပါတယ်။ လာလီဂါကလပ်ကတော့ ပေါင် သန်း ၇၀ ထိ ရလိုပါတယ်။
မန်ချက်စတာ ယူနိုက်တက်ဟာ ခံစစ်မှူး ဒီလစ်ကို ခေါ်ယူမှု ပြီးပြတ်အောင် လုပ်ဆောင်နိုင်မယ် ယုံကြည်ချက်ရှိနေပါတယ်။ ဘိုင်ယန်ဘက်က ပြောင်းရွှေ့ကြေး ယူရို သန်း ၅၀ တောင်းဆိုထားတာပါ။
အန်တိုနီ ဂေါ်ဒန်က သူ လီဗာပူးအသင်းကို ပြောင်းရွှေ့မယ့်အကြောင်း အင်္ဂလန်အသင်းဖော်တွေကို ထုတ်ပြောမှုတောင် လုပ်ထားခဲ့ပါတယ်။