လီဗာပူးအသင်းဟာ ဝက်စ်ဟမ်း ကြယ်ပွင့် မိုဟာမက် ကူဒက်စ်ကို ခေါ်ယူဖို့ စိတ်ဝင်စားနေပြီး ဆွေးနွေးမှု စတင်ထားကြောင်း သိရပါတယ်။
မန်စီးတီးအသင်းဟာ စီနီယာပွဲ ၁ ပွဲမှ မကစားရသေးတဲ့ ယန်ကော်တိုကို ဒီနွေမှာ ရောင်းချဖို့ စီစဉ်နေကာ ဒေါ့မွန် အသင်းက ပေါင် ၂၅ သန်း ဝန်းကျင်ဖြင့် ခေါ်ယူသွားနိုင်ပါတယ်။
ယူနိုက်တက်ဟာ ဒီနွေမှာ ဘာစီလိုနာကနေ ထွက်လာလို့ အလွတ်နဲ့ ရနိုင်မယ့် နောက်ခံလူ မားကို့စ် အလွန်ဆို ကို စိတ်ဝင်စားနေကြောင်း အင်္ဂလန် သတင်းတွေက ဖော်ထုတ်လာပါတယ်။ အသက် ၃၃ နှစ် အရွယ် ချယ်ဆီး ကစားသမားဟောင်း ဟာ ယူနိုက်တက်ရဲ့ ဘယ်စွန်ခံစစ် ပြဿနာတွေကို ဖြေရှင်းနိုင်မယ့်သူလို့ မန်ချက်စတာ တာဝန်ရှိသူတွေက ယူဆထားပါတယ်။
ပီအက်စ်ဂျီနဲ့ ဂျူဗင်တပ်တို့ စိတ်ဝင်စားခြင်း ခံနေရတဲ့ ဆန်ချို အတွက် မန်ချက်စတာ ယူနိုက်တက်က ပေါင် သန်း ၄ဝ လို့ ဈေးသတ်မှတ်ထားပါတယ်။ ဒါပေမယ့် ပီအက်စ်ဂျီကတော့ အင်္ဂလန်သားအတွက် များပြားတဲ့ ပြောင်းရွှေ့ကြေးမျိုး ပေးဖွယ် မရှိပါဘူး။
အာဆင်နယ်နဲ့ ဘာစီလိုနာတို့ ပစ်မှတ်ထားနေတဲ့ စပိန်ကွင်းလယ်လူ ဇူဘန်မန်ဒီကို ခေါ်ယူရေး ယူနိုက်တက်လည်း ကြားဝင်လာဖွယ် ရှိနေပါတယ်။
အာဆင်နယ်ဟာ ဘီဘာအို မှ စပိန် တိုက်စစ်သမား နီကိုး ဝီလီယမ်ကို ခေါ်ယူလိုပေမယ့် ဘာစီလိုနာကို အသာရဖွယ် မရှိပါဘူး။
ဖူလ်ဟမ်အသင်းဟာ ယူနိုက်တက် ကွင်းလယ်လူ တော်မီနေးကို ခေါ်ယူလိုပေမယ့် ပေါင် ၁၇ သန်းထက် ပိုပေးလိုခြင်း မရှိပါဘူး။