ကော်နာ ဂါလယ်ဂါကို ခေါ်ယူရေး အက်သလက်တီကို အသင်းက ချယ်ဆီးနဲ့ စကားပြောမှု ပြုလုပ်နေကာ ယူရို ၃၅ သန်း ဝန်းကျင်ဖြင့် အပြောင်းအရွှေ့ ဖြစ်မြောက်နိုင်ခြေ ရှိပါတယ်။
နာပိုလီအသင်းဟာ တိုက်စစ်မှုးတွေ ဖြစ်တဲ့ လူကာကူနဲ့ အိုဆင်မန် အပြောင်းအရွှေ့ နှစ်ခုကို ချိတ်ဆက်ကာ ချယ်ဆီးအသင်းနဲ့ ဆွေးနွေးချင်နေပါတယ်။
နာပိုလီဘက်ကတော့ အိုဆင်မန်ကို အငှားဖြင့် ခေါ်ယူခွင့်ပေးမှာ မဟုတ်ဘဲ လူကာကူ အပြင် ပေါင် ၅၈ သန်း ဝန်းကျင်ဖြင့် ကမ်းလှမ်းခဲ့ရင် လက်ခံပေးဖွယ် ရှိပါတယ်။
ချယ်ဆီးအသင်းဟာ လူကာကူ၊ ဘရိုဂျာ၊ ကာဆာဒီ၊ ဒေးဗစ် ဖိုဖာနာ၊ ဂိုးသမား ကီပါ၊ ပီထရိုဗစ်တို့ကို အရောင်း စာရင်းတင်ခဲ့ပြီ ဖြစ်ပါတယ်။
အန်ဇို ဖာနန်ဒက်စ် က ချယ်ဆီးအသင်းဖော်တွေကို တောင်းပန်မှု ပြုလုပ်ခဲ့ကာ ရိစ်ဂျိမ်း၊ ဒီဆာစီတို့ ကြားဝင် ဖြန်ဖြေပေးမှုကြောင့် အဆင်ပြေသွားပြီ လို့ သိရပါတယ်။
ဗီလာရီးရဲလ် ဂိုးသမား ဂျော်ဂျန်ဆန်ဟာ ချယ်ဆီးအသင်းနဲ့ ဆေးစစ်မှု အဓိက အပိုင်း အပြီးသတ်ခဲ့ပြီဖြစ်ပါတယ်။
ချယ်ဆီးအသင်းရဲ့ ရာသီကြိုပွဲတွေက ခြေစွမ်းကို ကြည့်ကာ ပရိသတ်တွေကတော့ စိတ်ပျက်နေပြီး တန်းဆင်းရမယ့် စွမ်းဆောင်ရည် လို့ ဝေဖန်နေကြပါတယ်။